خسارة يوم قلت احبك

أنا اللي قلت في نفسي ..احبـك.. وابتدى التمثيل
بديت اكذب على نفسي ..واقول انك نظر عيني

::

خطاك انك تصدقني ..تبادلني الـهـــوى و تميل
صدقت بكل اشــواقك ..وكــــــاذب كل ما فيني

::

خدعني واهم إحـــــساسي ..بلا غاية ولا تحليل
ظلمتك يوم جـاريته ..أجـامل ..و انت تعطيني

::

لقيتك غـــارق بـحـبي ..ولا لي للأمــــر تبديل
حرام أحطم احلامٍ ..بناهـــا الحب ..بيـــديني

::

وسايرتك ..على كيفك .. لـقيت القلب حبّك حيل
وفجأة صرت لي نبضي ..سكنت أقصى عناويني

::

ولا فكّرت في جرحــــك .. ولا ودي تذوق الويل
ولا حبــيــت نـتــفارق .. وعينـــــك يــوم تبكيني

::

ولكن بانت الكــــــذبة ..وعــــــزّم قلبي التعديل
تنبّه بعد مــــا فــــــات الأوان .. ومرّت سنيني

::

علينــــا دارت اللعـبة .. مثـل دورة نهار و ليل
تحب وكنـــت انا لاهي .. عشقتك و انت تجافيني

::

خلاص الحــــزن ما ينفع .. تبادلنا الهوى تمثيل
خسارة صــرت أنا أحبك .. و انت اللي تجاريني

سلمت يداكي لم اكل او امل عند قراءتي لكلماتك
لقد قرأتها بكل تمعن وشغف لقد متعتنا بجمال كلماتك
سلمت وسلم جمال حرفك.
تقبلي مروري.